英超喺圣诞新年期间开快车，唔单止要睇后备力量够唔够充裕，最紧要仲係道气势愈踢愈劲，其实热刺上仗畀阿仙奴砌低，真係戥佢哋唔低，好在士气并无受挫，而且状态冒升，番到主场对富咸自然信心百倍，事关近三次喺自己地头赢对手两次。
热刺自从领队桑迪拉莫斯上任之后，成队波信心增强好多，亦改善以往表现飘忽毛病，真係戥坐完波监复出嘅罗比坚尼唔低，对兵工厂十二码宴客，否则抢1分就掂晒，虽然热刺一直闹紧后卫荒，京治、加里夫巴利、伊高图都要长期养伤，冇正宗中坚就最好以攻代守。其实热刺同阿仙奴嘅中前场组织力不相伯仲，绝对有本钱狂攻富咸。富咸一向係地头蛇，今季两场胜仗都喺主场，之不过上场对客场虫嘅韦根都踢到不知所谓，更何况富咸今季做客成绩惨不忍睹，喺白鹿径球场等食蛋！
呢季深受伤兵困扰嘅韦斯咸，虽然捱到班地庄球员疲态毕露，连输畀爱华顿两次之后，要喺颓势兼唔齐脚情况下，竟然一鼓作气喺英超史上首次作客赢米堡，呢道气势认真唔讲得笑，成班波当堂醒晒，睇好佢哋可以赢多场。事关雷丁同富咸一样做客例牌脚软，上场好辛苦砌低新特兰表现一无是处，倒不如话新特兰自杀好过，所以赢波唔等如真係好弗！遇上及时反弹嘅韦斯咸都算运滞。
热刺 -1/1.5 富咸 推介：热刺
韦斯咸 -0.5 雷丁 推介：韦斯咸(本文来源：网易体育专稿 )
