上周末，英超结束圣诞新年快车嘅第一站赛事，4强同胜之余结果都十分正路，显示喺密集赛程中，球队实力优势重係十分紧要嘅。判断周中进行嘅第二站赛事，我哋可以结合球队埋喺未来3轮嘅对阵情况分析，得出嘅结论就係热刺、韦斯咸、爱华顿都有战意及实力赢波，其中整个快车期间，又以热刺最具长捧价值。
本季快车期间嘅赛程安排都几有特点，一半球队嘅赛程係主客客主，另一半球队则係客主主客，于是喺经过上周末赛事之后，余下3轮快车期间，我哋不妨就多加关注嗰啲赛程安排係“主主客”嘅球队，热刺就係其中一队。周中主场对富咸，跟住主场对雷丁、做客对维拉，可以讲，3场波嘅攞分难度都唔算十分高，热刺喺魔鬼赛程中全取9分并唔係天方夜谭。睇番佢哋周末1比2输畀阿仙奴一役，如果洛比·坚尼射入十二码嘅话，热刺係可以反超阿仙奴嘅，之后角球嘅入波令3分变1分再到0分，热刺将士真係好郁闷，呢场主场面对重未有正式领队上任嘅富咸，虽然假假哋都话係伦敦打比，不过以两队目前人脚同状态，热刺大胜拆礼物，都应该係冇悬念嘅。
BOXING DAY呢轮重希望收到大礼嘅，个人认为係韦斯咸同爱华顿，首先两队都係未来赛程为“主主客”嘅球队，其次两队呢场所对嘅对手偏弱，之后则遭遇豪门，因此喺呢轮抢分嘅决心一定足够。韦斯咸之后分别对曼联同阿仙奴，爱华顿则迎战阿仙奴同米堡，因此喺整个快车嘅全盘考虑中，爱华顿同韦斯咸都必须要喺呢轮展开抢分搏杀嘅，值得支持。
精选推介
热刺 -1/1.5 富咸推介：热刺
韦斯咸 -0.5 雷丁 推介：韦斯咸
爱华顿 -0.5/1 保顿 推介：爱华顿
打比郡 +1.5/2 利物浦 推介：利物浦(本文来源：网易体育专稿 )
