欧联16强对阵抽签结果已经出咗嚟，除咗车路士支签比较好彩之外（对阵奥林比亚高斯），利物浦对住本季係意甲见神杀神、见佛杀佛嘅国际米兰，阿仙奴对住欧联卫冕冠军AC米兰，相信宾尼迪斯同云加见到支签之后都肯定笑唔出嚟。不过欧联淘汰赛係明年2月份嘅事情，红军同枪手依家首先要着紧嘅，梗係英超嘅圣诞快车。
阿仙奴上轮喺主场赢得并唔轻松，如果碧巴托夫博到嘅嗰个点球唔係畀罗比·坚尼射失，枪手恐怕连1分都攞唔到。云加食咗呢次惊风散之后，一定会返到更衣室畀班球员更多压力，唔好以为圣诞可以轻松放假，曼联打少一场净係落后我哋4分咋！呢轮Boxing Day（节礼日）嘅比赛，曼联对住新特兰嘅3分应该攞梗，阿仙奴即使係做客都肯定唔敢放松。另一方面，朴茨茅夫今季开局相当唔错，打到依家都仲係排喺中上游位置，对于呢班“海鲜波”呢讲绝对係可以交到差。其实我哋睇到朴茅最近嘅表现都跌得几明显，对于热刺、利物浦两支强队都做埋送分童子。为咗尽快拉开同曼联嘅差距，阿仙奴一定更加上力，赢波当然不在话下。
论人脚，我觉得打比班波应该係今季英超嘅降班胆。唔好以为佢哋上轮做客逼平纽卡素就好似要触底反弹，其实係近嚟处于动荡嘅纽卡素自己打得屎而已。红军上轮大炒朴茨茅夫，托里斯梅开二度，啲状态返晒呢。今次对住排名垫底嘅德比，唔砌返几剂就奇。
打比 -1.5/2 利物浦 推介：利物浦
韦根 0 纽卡素 推介：韦根
朴茨茅夫 +0.5 阿仙奴 推介：阿仙奴(本文来源：网易体育专稿 )
