Boxing Day赛事之后，红魔鬼收到最大份礼物，阿仙奴班小将把持咗好耐嘅榜首位置，终于喺快车期间嘅第一站过后，让咗畀曼联喇，不过呢一点亦都符合个人喺赛前嘅预期，因为快车期间阿仙奴嘅对手实力明显係4强球队中最强嘅，阿仙奴喺呢段时间失分，绝对係意料中事。因此周末嘅赛事，大家仍然可以睇高曼联一线，而阿仙奴做客挑战爱华顿，则仍有失分可能。至于另一支强队车路士，上轮增添卡华奴同阿殊利·高尔两张红牌停赛，加之泰利、林柏特、施治、杜奥巴全部有伤，车路士嘅重心骨一个不剩，不过咁样一嚟，我反而对周末车路士大胜纽卡素有点期望，毕竟纽卡素依家正係处于最低潮期，而车路士喺所有不利消息笼罩下，反而有可能否极泰来哦。
上期推介中，我已经讲明，圣诞新年快车嘅第一长捧对象係热刺，具体原因就不再多讲喇，睇完佢哋上轮5比1大胜富咸之后，我相信佢哋劫完“富”之后就轮到炒“丁”喇，本轮雷丁做客一样冇运行。至于周末另一支值得重心支持嘅球队，就要数朴茨茅夫喇，曾经喺佢哋主场输畀热刺以及做客大败畀利物浦嘅两场比赛中，发现到呢班波嘅后防线注意力十分唔集中，就好似放紧假咁，不过当佢哋连续两场赛事失利后，喺周中主场面对强敌阿仙奴时，庞贝嘅球员明显恢复斗心，应该讲圣诞新年期间连续两个主场，佢哋都唔想前来捧场嘅球迷失望嘅。朴茨茅夫主场如今已经连续5轮不胜，本周末面对弱旅米杜士堡，我相信佢哋可以大胜过新年。
精选推介
热刺 -1 雷丁推介：热刺
朴茨茅夫 -0.5/1 米杜士堡 推介：朴茨茅夫
车路士 -1/1.5 纽卡素推介：车路士
韦斯咸 +1 曼联 推介：曼联(本文来源：网易体育专稿 )
