首先祝各位球迷新年进步，波运亨通！
韦斯咸同阿仙奴虽然讲唔上有乜野大仇口，但係上季阿仙奴畀韦斯咸双炒，主、客场全输，结果搞到兵工厂球迷畀同市“锤仔帮”球迷笑足成年，结果首循环终于复仇砌低韦斯咸，呢铺主场更係大好机会将主场连续两季输畀韦斯咸嘅耻辱，一次过还清晒！两队喺英超交战25场，韦斯咸6胜5平14负处于劣势，韦斯咸上季作客爆冷係靠死守突击，家阵阿仙奴攻坚能力大为提高，呢招恐怕再难奏效，如果韦斯咸能够将后防线适当压前，用硬朗逼抢对抗阿仙奴，或者仲可以减少失误，但係到圣诞新年尾班车，以“锤仔帮”体能状况同板凳深度，好难顶得住有主场之利嘅阿仙奴“青春风暴”。
曼联近年有如伯明翰克星，自从伯明翰02年首次升上英超，两队喺联赛同杯赛交手过十次，曼联八胜二和压倒性优势，以两军近况同人脚实力，伯明翰实在难以打破宿命。伯明翰今季重返英超，表现并唔理想，特别係攻力差，即使换埋领队都冇用，呢场继续打守势足球以求和为最终目标，只会对曼联制造些少麻烦。红魔鬼主场以后防稳健见称，费爵爷身经百战应付频密比赛，多条战线作战都有足够球员选择，攻力强横继续做阿“伯”杀手，伯明翰难望偷鸡！
爱华顿 +0/0.5 阿仙奴 推介：阿仙奴
韦斯咸 +1 曼联 推介：曼联(本文来源：网易体育专稿 )
