曼联喺十二月份英超五战全胜，相反阿仙奴连失7分，双方形势急速逆转。其实喺上季红魔亦係趁住冬季战役强势抛离车仔而最终捧杯，云加会唔会重蹈莫连奴覆辙呢？
兵工厂喺今季英超场场都有入波嘅纪录畀朴次茅夫终结，对上一次喺英超冇入波嘅对手又係朴次茅夫，其实就喺对手中场堆积人手，用人海战术一个抢一个，令到兵工厂发挥唔出流畅嘅整体配合，搞到法比加斯成场只係传出五十一脚波，成功率只得七成，结果艾迪拜约全场射门零，朴次茅夫嘅战术对爱华顿有好重要启示，加上“拖肥糖”近期状态超劲，畀曼联终结各项赛事十四场不败之后迅速反弹，主场六连胜，防守硬朗绝冇拖泥带水，中场阿迪达复出之后进攻组织同死球处理仲醒过以前，加埋好弗嘅卡希尔，有机会令到兵工厂连续三季喺英超葬身喺古迪逊公园球场。
热刺果然喺拆礼物日大炒富咸，佢哋可以喺白鹿径球场继续食住个势上，雷丁冇运行！热刺自从桑迪拉莫斯上任之后，十三场只係输过两场，而且场场都有波入，贝碧托夫同罗比坚尼两个射手状态好弗，最緊要係拉莫斯对后防调整收效，中场大胆起用保定同奥夏拉两个小将，所以喺伤兵满营情况下仲保持好强战斗力，做客未赢过嘅雷丁呢场都係冻过水！
爱华顿 +0/0.5 阿仙奴 推介：爱华顿
热刺 -1 雷丁 推介：热刺(本文来源：网易体育专稿 )
