BOXING DAY过后，英超嘅“圣诞快车”继续开。上轮比赛，费sir带领住曼联4球狂数新特兰，对住佢嘅昔日弟子坚尼，可以话一啲面都冇畀。冇办法啦，鬼叫曼联一方面要紧追阿仙奴（目前已重夺积分榜榜首），另一方面又要用漂亮胜仗嚟封住媒体把口，阻止佢哋将里奥·费迪南搞嘅嗰场“性诞PARTY”唱通街咩。
今次曼联对住韦斯咸，除咗话係新年嚟临前嘅重要战役之外，仲添加咗唔少“复仇”嘅意义喺入面。上赛季，曼联虽然最终夺冠，但韦斯咸却成为英超联赛度唯一一支双炒红魔嘅球队。不过依家嘅韦斯咸可以话係今非昔比，马斯卓兰奴去咗利物浦，迪维斯又过档曼联，得翻龙格堡、苏兰奴呢啲咁嘅老将坐镇，战斗力自然低咗一个档次。博彩公司唔係傻嘅，曼联至今仍然係本季英超联赛夺冠嘅头号热门，梗係有佢嘅道理。韦斯咸今次肯定要还债嘞。
红军利物浦嘅做客表现实在令人失望，上轮对住打比居然只能依靠谢拉特最后时刻嘅入波先至可以勉强攞到3分。曼城今季主场相当强悍，我好担心宾尼迪斯班波今场会失分。
韦斯咸 +1 曼联 推介：曼联
车路士 -1.5 纽卡素 推介：车路士
曼城 +0.5 利物浦 推介：曼城(本文来源：网易体育专稿 )
