塔拉戈納今季長期黐實榜末，令呢隊西甲包尾大幡深受降班威脅，今晚佢雖然有主場之利，但面對砌低巴塞隆拿維拉利爾，小弟認為平手盤仍然係撐客隊穩陣。（開賽時間︰周日晚11:00）
塔拉戈納近況奇差
維拉利爾上場擊敗巴塞隆拿之後結束兩連敗走勢，依家士氣大好，而且中場祖斯高續約至○九年，連帶皮利斯都表示會繼續留，明顯就係對球隊充滿信心，進一步提升士氣，而且皮利斯復出以來表現不俗，家陣已經入兩粒，今場有佢繼續助陣，維拉利爾作客都未驚過，平手客勝咁筍點可以唔捧！
塔拉戈納近五場只係贏過一場，令佢護級前景更加唔樂觀，而且後加西亞夏路依舊因傷缺陣，加上佢首循環曾○比二不敵維拉利爾，心理上已經輸一大截，家陣士氣低沉迎戰「黃色潛艇」，「落水狗」塔拉戈納想搶分護級，睇怕都要等下場。
名店推介：撐維拉利爾平手勝
