英格兰各项赛事嘅安排向嚟相当频密，再加上今季仲有3支球队杀入咗欧联4强，班巨星级球员个个攰到飞起，同时亦都导致唔少伤病嘅出现。喺呢个时候，意志力就成为豪门能否最终获胜嘅关键。
周中曼联对AC米兰嘅比赛可以算喺当中典范，虽然红魔有里奥费迪南、维迪治、沙夏等一批主将因伤缺阵，不过凭住朗尼仔喺最后时刻嘅入球，费sir成为咗笑到最后嘅人。练过boxing（拳击）嘅朗尼仔好清楚，只要比赛重净低一秒钟，都有可能击倒对手成为最后嘅赢家。相信经过周中呢场大战，全曼联球员都会畀朗尼嘅斗志所感染。
周末英超做客爱华顿，估计好多球迷都会觉得曼联可能会为做客米兰嘅次回合比赛有所保留。但事实上，曼联上轮畀米堡逼平食过一次惊风散之后，啲球员都好明白好运唔会持续太耐，佢哋唔可以再畀到车仔缩短积分距离嘅机会。曼联班波依家虽然係打到残晒，但车仔嘅情况亦唔会好得去边。我相信凭借费sir咁多年係英格兰足坛所积聚嘅人脉关系，爱华顿领队莫耶斯一定唔会令到红魔难堪。为咗尽快拉开同车仔嘅差距，确立英超夺冠地位，意志坚强嘅朗尼今次对住旧东家，亦冇理由会手软。
爱华顿 +0.5/1 曼联 推介：曼联
布力般 -0/0.5 查尔顿 推介：查尔顿
朴茨茅夫 +0/0.5 利物浦 推介：朴茨茅夫
