呢个星期，曼联做客爱华顿，係一场从上周就开始爆炒嘅比赛。点解会比爆炒，要响2004年朗尼喺爱华顿转会曼联嘅附加条款入边讲起。朗尼虽然话转会价係3000万，但係实质嘅身价只係2000万，其余1000万就属于附加条款，如果条件符合，先至会有被激活嘅可能。比如话曼联如果得到联赛冠军，按照附加条款爱华顿就可以攞到50万英镑嘅额外分红；如果曼联捧起足总杯，爱华顿就可以攞多15万英镑；如果曼联欧联淘汰AC米兰，爱华顿都可以攞多50万英镑，曼联欧联捧杯嘅话，爱华顿重有另外追加嘅50万分红。总嘅来讲，如果曼联如愿今个赛季三冠王，爱华顿呢个夏天就可以得到165万英镑嘅红利，足够佢哋养多个安祖·庄臣级别嘅名牌前锋。退一步讲，就算曼联只係得一个联赛冠军，爱华顿都有50万开门利市。
喺厚黑嘅角度讲，爱华顿呢场波的确有为曼联放水嘅嫌疑同动机。而同时，我哋亦都知道，英超联盟会喺赛季末按照各队嘅最终排名嚟分花红，排名每高一位，分红亦都係增加50万。按照爱华顿现时嘅排名积分，想追上第4名嘅阿仙奴完全无机会，现时同分嘅对手保顿，呢一轮刚好又做客对住车路士，3分全失机会好大。咁样嘅话，如果爱华顿放水成全曼联，而自己又压住保顿，咁赛季末就可以多出100万英镑嘅花红。而如果爱华顿死缠曼联，搞到车路士有机会后来居上，咁爱华顿最多先多出50万嘅奖励。今轮比赛，爱华顿如果唔出力打，单单係台面上嘅奖金，都已经多过出力打好多，你话爱华顿嘅管理层会点样选择？之前同爱华顿有同样选择嘅热刺（卡历克），已经畀咗我哋答案。
撇开呢场有嘀搞野嘅比赛之外，车仔今轮翻到主场，应该会抓紧最后一线机会嚟追分，对住无咗半壁江山嘅保顿，有大炒机会。而另一支欧联球队，利物浦已经完全无晒联赛嘅比赛欲望，做客朴茨茅夫，正路又係和波格。提前降班嘅屈福特，呢轮做客需要抢分保级嘅锡菲联，指数让到咁大纯粹係形势盘。但係提前降级嘅球队，历来做客会搞嘢，笔者认为锡菲联本轮继续失分。
爱华顿 ＋0.5/1 曼联 推介：曼联
车路士 －1.5 保顿 推介：车路士
锡菲联 －1 屈福特 推介：屈福特
