今晚西甲尾場賽事，力爭雙料冠軍巴塞隆拿作客鬥維拉利爾，巴塞上周中西班牙盃大炒基達菲，美斯射入經典金球狀態弗到漏，其他球員亦上番力，今場有「細哨」朗拿甸奴復出，為保領先優勢，穩勝大踢風流波維拉利爾，1.72倍客Ｗ值得加碼出擊。（有線足球台61周一凌晨３時直播）
巴塞上場聯賽對馬略卡冇朗拿甸奴，贏波表現係有拖泥帶水，好彩上周中西班牙盃四強首回合美斯交到功課，射入個「馬納當拿式」入球更加令球迷拍案叫絕，佢帶動下，其他球員好似伊度奧、迪高、雲邦賀斯等亦踢番出應有水準，令度士對佢入波能力重拾信心，而且對上兩場缺陣「細哨」已經好番，今場可以候命，夫添出擊下，維拉利爾難攖其鋒。
維拉利爾無心戀戰
維拉利爾依家排名十二，雖然計分數仲未肯定上岸，但實際上已拋離尾三利雲特九分，近兩場聯賽先後輸畀馬體會同基達菲，已經睇到佢無心戀戰，今次遇上實力更強兼要爭標巴塞，度士實在睇唔到主隊會有任何爆冷機會
