車路士季尾成績穩步上揚，除領隊莫連奴調動得宜，全靠養兵千日，用在一時！一班季初備受批評球星憑毅力及職業球員態度，成功谷起狀態，近期陸續抬頭，其中小個子胡禮菲臘斯更加數次建功，成為球隊一路奇兵！
大家回憶番車路士足總盃對布力般，胡禮菲臘斯以靈活走位去到左邊，死位用左腳出波協助波歷克奠勝，上周中聯賽贏韋斯咸，佢左右開弓射入兩球，攝位及盤傳射俱佳，充分顯示呢個雙槍將威力，所以Peter幾時都話雙槍將及走位靈活球員係不可多得。車路士呢類大球會，只要綠葉少斷纜，已經係贏波重大因素！
博車仔慣性波膽1:0
近期波歷克同舒夫真高先後立大功，眼見一班差不多被遺忘功臣重見天日，Peter實在深感安慰。季初球員加盟，需要時間重新適應陣形基本結構，所以往往演出未如理想，呢個同佢本身質素無關。隨住大半季過後，佢依家逐漸融入架構，自然能夠打番本身水準，關鍵時刻發揮作用。
今晚車路士作客紐卡素，歐聯前作客難讓到一球，由於客勝賠率唔吸引，馬會又冇開讓球，Peter建議大家不如轉玩慣性開波膽，車路士贏1:0係必然選擇，可以補埋2:1增加命中機會
