記得西維爾歐協作客熱刺後，留低簡路迪倫敦睇醫生，結果佢上周聯賽造訪華倫西亞，即時熄晒火淨吞兩蛋。不過，簡路迪周中西班牙盃已經復出，佢仲先開紀錄帶領球隊大勝拉科魯尼亞，證明傷勢係小意思。計一計數，原來簡路迪今季有份入波二十二場賽事，西維爾錄得十八勝一和三負，得勝率接近八成二，絕對係球隊贏波保證，有佢度使乜驚？
畢爾包客戰四連不勝
雖則話西維爾有德國國腳軒基坐波監，正選門將柏立有傷多數趕唔切上陣，但係巴西翼丹尼爾可以移後擔任右閘，副選守門員高賓奴已打出信心。何況畢爾包出名作客曳，最近四場作客錄一和三負，對住巴塞、桑坦德分別以○比三、四比五敗陣，證明佢作客病無得醫，今場最多都係輸少%26#63525;
