今日假印尼舉行的亞洲盃季軍戰，南韓與日本為名譽而戰。睇番今屆賽事表現，日本平均發揮係唔錯，至於南韓缺少多名主力下，表現真係乏善足陳，特別係攻力一環，實在非常疲弱，成績差強人意。（now 671周六晚8時35分直播）
今場賽事Peter認為入球會幾多，主要有三個因素；第一，打到季軍戰通常參賽球隊防守意識會較為鬆懈。第二，如果大家有留意直播賽事，都會發覺雙方門將已經過高峰時期。第三，主帥帶廿幾個球員參賽，今場賽事好大機會派後備落場。結合晒以上因素，Peter認為今場賽事容易出現大手交易，入球「大」係最佳選擇。
伊拉克值畀同情分
講開亞洲盃，不妨提埋明晚沙特阿拉伯對伊拉克場決賽。有聽開Peter講八強戰球迷，都應該記得Peter一直提住伊拉克呢班波絕對值得留意，佢睇落實力唔係好強，不過，三位主力拿沙特、阿里同尤尼斯同樣係好波之人，唔可以睇小。伊拉克好多球場以前用擺坦克，好多人認為佢冇乜實力，但係有時候好得意，球隊愈多負面新聞，表現反而愈好，班球員落到場集中精神比賽，往往會有超水準演出，沙特冇乜條件讓佢。
撇開陰謀論，Peter認為伊拉克較為值得捧場，沙特係亞洲強國，伊拉克就經常畀人攻擊，所以加唔少同情分，值得畀佢捧番個盃，等全國人民高興
