拜仁今季霸氣重現，主要係一班新兵表現對辦，其中高路斯同列貝利已經迅速融入球隊，可惜呢兩位進攻重心卻受到傷患困擾，高路斯雖然可以今仗披甲上陣，但上仗又有波入列貝利又盛傳膝傷，或缺席在萊比錫中央球場舉行決賽，最慘係另外四名主力舒韋恩史迪加、東尼、普多斯基及舒拿達夫今仗亦缺陣，前線除高路斯外，就只有小將辛度韋拿掛帥，威脅力勢必大減。
另外，隊中麻煩友雲邦美上場同史特加守美拉發生衝撞，賽後被德國足總秋後算帳，如果罪名成立，今仗有可能被罰停賽，屆時拜仁實力勢必進一步受損。
雲邦美或停賽
同樣係兩連勝史浩克04，論霸氣當然不及拜仁，至少上場對紐倫堡一戰就失兩球，但防線出現不穩，或多或少同守將保頓缺陣有關，不過呢位後防大將已經傷愈，今仗可以復出，有佢壓陣，史浩克又點會怕冇晒槍手拜仁？
