巴塞隆拿進行亞洲巡迴賽之前，率先到蘇格蘭進行本季首兩場熱身賽，佢先聽晚造訪登地聯，然後再周六友賽赫斯。巴塞對今次蘇格蘭之旅相當重視，除受傷未有隨隊古莊臣、艾美臣及佩奧爾，以及早前因出戰美洲國家盃而仲放緊假美斯、米列圖及馬基斯之外，其餘星級戰將，包括朗拿甸奴、伊度奧及新加盟亨利都有隨隊，基本上算係夫添，絕對唔係玩玩。
主隊開操冇耐未上力
無疑今戰係巴塞隆拿首場熱身賽，狀態同默契都有待建立，但係較早開操登地聯都只不過係踢兩場熱身賽，狀態好極有限，再睇番巴塞上季季前熱身賽表現，頭兩場波都可以輕鬆大勝對手，可見巴塞係一撻即隻。
雖然過往四次交手登地聯都係贏晒，其中包括一九八七年歐洲足協盃八強兩回合大戰，不過都已經係上世紀事，參考價值相當有限。再講，近年巴塞歐聯對住蘇超班霸些路迪都未驚過，加上今仗話晒都係熱身賽第一擊，點都想贏波頭威，呢鋪造訪開操冇耐，狀態同實力都完全唔入流登地聯，睇怕隨時大開殺戒。
