雖然叫做B隊，但其實呢隊英格蘭隊人腳同名氣，比起歐洲好多二線國家隊勁好多。由於門將賓科士打突然打柴退隊，麥卡倫一次過補選羅拔格連同卡臣兩位門將入伍，隨時代替羅賓遜把關。
另外，京治、夏格維斯、戴亞、艾朗連儂同迪科爾呢有料之人亦晒度，本應大炒冇咩難度，只不過小弟覺得呢班球星先踢完聯賽煞科戰，諗住有得抖，依家無啦啦又要佢撻番副偈，踢呢場無關痛癢太公波，你話班大帝會搏盡就勢係假！再講，前鋒雖然選奧雲同阿倫史密夫入伍，但係呢兩位仁兄久傷初愈就話要代表國家踢國際賽，你話佢會交到功課？似乎有一廂情願喎！
阿爾巴尼亞防守硬淨
對家阿爾巴尼亞今屆歐國盃外圍賽表現唔算太差，打五場和三場輸兩場，當中近兩戰仲要連續賽和斯洛伐克同保加利亞呢兩支排名比自己高東歐奇兵，就算作客對住勁旅荷蘭，都係僅輸一球，防守絕對有板有眼。
值得留意，係阿爾巴尼亞領隊巴歷今次選好多新人入伍，擺到明就係為六月初舉行歐國盃外圍賽進行練兵同揀蟀，一班新丁肯定會搏到盡！之不過，要佢神勇到作客摸和英格蘭B隊就似乎太大想頭，但要死守輸一粒又唔難做到，「讓球和」有分頭冷敲得過
