荷蘭聯賽附加賽踢一場又一場，其中荷甲護級附加賽部分，精英隊就會同羅森達爾進行最後一輪賽事次回合，睇睇邊隊趕上來季荷甲尾班車。首回合賽事，精英隊雖然作客摸和羅森達爾一比一，不過睇番兩班波近年交手往績，精英隊真係主場都冇數可言，今場仲要讓波，力奇寧撐「讓球客勝」。（開賽時間：周五凌晨2:00）
以甲組尾三身份參戰呢次護級附加賽精英隊，上一輪輕鬆連贏兩場，總比數大勝雲登四比○晉級，如果就咁以為乙組仔易執，力奇會提醒大家，小心中計。點解咁講？雲登只係一支荷乙聯賽第八位球隊，實力根本不外如是，相比起今仗排荷乙第三羅森達爾，實力點都差一截。
精英隊主勝率得35%
再者，精英隊雖然話就話今仗有主場之利，但查實佢今季荷甲主場十七戰咪只係贏得六場，勝率只係得三成半咋。再睇埋佢同羅森達爾最近五次交手成績，羅森達爾反而係佔優一隊，共錄得三勝兩和，無他，精英隊都只係一支荷甲荷乙升降機，實力同上季先降班羅森達爾比較，都只係五十步笑百步。
事實上，睇番佢首回合交手，精英隊真係捉到鹿唔識脫角，半場領先低一班對手一球，竟然都帶唔到尾，完場前十二分鐘畀羅森達爾追番，家陣一比一平手，個甲組位置真係唔穩陣，羅森達爾大難不死，今場偷雞唔輸絕對唔奇
