今晚荷蘭聯賽附加賽同時間上演三場賽事，其中兩場係護級生死戰，一場係圖圖盃資格賽，羅賓一直認為圖圖盃對中型班講，某程度係吃力不討好賽事，各支球隊戰意成疑，所以今日集中火力講兩場護級附加賽，睇好精英隊同華域克可在主場贏波留級。（周五凌晨2時開賽）
芬洛羅森達爾冇威脅
羅賓心目中，荷甲同荷乙水準一直存好大距離，所以羅賓一直深信精英隊同華域克可以成功留級，從佢上一圈能夠分別淘汰雲登同多德勒支兩支乙組球隊就知羅賓所言非虛。先講精英隊對羅森達爾，精英隊首回合大部分時間都處於領先優勢，完場前被逼和一比一係有唔好彩，以佢聯賽煞科日擊敗阿爾克馬爾、同埋上圈大勝雲登三比○表現計，今晚面對客隊羅森達爾有力贏波成功護級。
另一場華域克對芬洛，華域克首回合雖然落後兩球，不過上一圈佢面對多德勒支亦係首回合先落後，然後次回合收復失地，逼到對手要踢第三回合然後作客贏波晉級，今晚情況好相似，羅賓相信華域克可以繼上圈之後，再次上演一場絕地反擊戰，主W值得捧場
