自由盃四強首回合另一場大戰今日展開，由古古達主場迎戰近態大勇小保加，今場作客小保加上仗聯賽收起主力列基美，仍以三比一輕鬆擊敗祖祖爾甘拿斯亞，依家自由盃打到入四強，小保加又點會放過衝擊冠軍獎盃機會呢？作客小讓平半一樣抵捧。（開賽時間︰周五早上8:00）
小保加七年內四度打入自由盃決賽，證明呢支阿根廷勁旅實力雄厚，而且作為五屆自由盃冠軍小保加殺到入四強，肯定會繼續搏命爭標，加上佢上輪聯賽刻意留力，就連中場主力列基美都只係擔任後備，家陣佢養精蓄銳出擊，絕對值得支持，博呢個上盤肯定數過買股票。
古古達回落5戰僅1勝
至於近日有傳列基美會今夏返去維拉利爾，佢臨走就梗係想贏埋個自由盃返去西班牙做手信啦！佢八強對利伯泰迪入球靚波已經證明佢鬥心十足，今次有佢再度擔正，小保加一定乘近五場不敗兼連贏三場強勁氣勢贏波，繼續向冠軍路進發。
另邊廂古古達今屆自由盃表現予人驚喜，而且近十次主場未輸過，好多人都睇好佢有能力主場力阻小保加贏波，不過我就覺得呢支兩年前先升班球隊開始實力見頂，今次主場都唔係咁樂觀。因為古古達近況略為回落，近五場僅得一勝，而且佢近八場比賽亦七度未能半場贏波，今面對鋒力強勁小保加來訪，古古達好可能半場失守輸到尾
