ESPNnow寬頻電視獨家直播歐聯，四強首回合英超大戰，近況好弗利物浦作客車路士勇者無懼，紅軍勢如破竹繼續盃賽恰死車仔。
連續二十一場不敗車仔，呢季只係輸過五場，其中兩場就係對紅軍，當然睇往績佢主場仲係佔上風，不過呢班波近期最明顯就係過於慢熱，最怕仲未企穩陣腳就已經畀紅軍衝散條防線。呢場已經係車仔四月份第八場波，近期好多場比賽都要後來居上反敗為勝，卒之去到上場對紐卡素真係疲態畢露，絕大部分比賽時間陷入同對手無休止糾纏，由守轉攻冇晒速度同準確性，側擊效果欠奉，連罰球呢瓣都冇埋，家有心無力車仔，只能靠主場之利同球員個人質素同紅軍砌過。
腳風大順利物浦，可以話係依家最勢不可擋英超球隊，賓尼迪斯堅持輪換球員都輕勝米堡同韋根，顯示整體狀態臻於佳境，同時奠定下屆歐聯參賽資格，可以集中精神應付呢場波，謝拉特同古積特又弗到漏油，加上又比車仔多休息一日，有本錢將防守快速反擊戰術發揮到淋漓盡致，所以可以期待利物浦史丹福橋球場喧賓奪主，搞到車仔一戙都冇
