今晚係瑞典超天下，老牌球隊哥登堡坐鎮主場迎戰加費萊，哥隊經過首兩輪賽事調整期後，近期已經撻，上仗作客更以四比○大破奧雷布洛，今仗返回主場面對「作客蟲」加費萊，禾清睇好哥登堡踢完上半場已經可以提早收工，要「半場主勝」。（周二凌晨１時開賽）
身為瑞典頂級聯賽史上奪標次數最多球隊哥登堡，上季只係排第八，今季季前進行大清洗，送走多名「瘀血」球員，其後羅致希爾星堡中場卡列斯克及收回中場莊拿芬貝治，表面上兵源稍為單薄，不過仍足以應付聯賽賽事。
至於加費萊雖然聯賽連贏兩場，但要留意呢兩場都係佢主場，加費萊出名作客腳軟，上季十三場聯賽作客只贏兩場，今季情況依舊，作客仲未開齋，今場相信半場就會失陷
