自由盃主場四戰全部贏波蒙特維多國民隊，依家烏拉圭甲組聯賽只列中游，爭標無望，故上下一早視南美自由盃為最後目標。上周佢聯賽居然主場不敵包尾大幡連迪斯達斯，好明顯係留力等今場搏殺，球員無藉口話莫氣啦！
古古達作客4仗失7球
翻查數據，呢支三屆南美自由盃盟主今屆晉級過程中，踢主場其實特別醒神，分組賽至十六強四戰全勝，當中連巴西勁旅國際體育會同阿根廷沙士菲都要命喪佢腳下，主場威力認真唔講得笑！
來自哥倫比亞古古達，今屆首次踢南美自由盃就已經殺入八強，令好多人跌晒眼鏡，不過小弟發覺呢支球隊有一個弱點，就係不擅作客，由分組賽至今，四場作客只取一勝一和兩負，仲要失七球咁多，朱楓唔擔保佢聽朝會唔會死守求和，藉首回合優勢出線，但小弟相信久守必失道理，主勝的確可睇高一線
