有陣時自信同自大只差一線，森林領隊卡達活及主將L卓賓斯賽前就不約而同話好有信心帶領球隊進身英冠，無他，因為森林贏卡士，而且今季兩戰伊奧維都贏晒兼未失一球嘛，但依家去到附加賽階段，性質已經唔同，何況伊維奧吸取過上兩次訓都應該學精，森林邊有得咁易贏！
主場八成開細冠絕英甲
再講呀，森林今季作客只係麻麻，勝率只得三成九，而且多數都係靠穩守突擊偷雞搶分，難怪作客開細比率高到七成排英甲第二啦。而且森林今晚或有阿高高、賴頓泰臣、韋斯摩根同奇寧根四名主力唔踢得，陣容不整下，當然求悶和完場等下鋪返主場先搏殺啦！
伊奧維今季主場成績唔差，勝率有六成，英甲列第四，佢主場咁勁只因一個「守」字，主場無論入波同失波都係全英冠最少，難怪主場開細比率達八成三冠絕英甲啦！朱楓對佢條防線絕對放心，但以咁疲弱攻力要刻意求和森林身上入波，似乎就有有心無力feel，朱楓覺得呢場波十成十係悶戰，對「細」就好有把握！
