力奇都知道今次捧韋斯咸，大家都會有個疑問，係咪有刻意求冷呀？冇錯，力奇上周末捧車仔贏布力般流浪，點知就係九十分鐘開和，要到加時先搞得掂，真係激到一肚氣！不過，賭波都係求財，唔係求氣，力奇今次反車仔，其實正係睇日佢表現，班波兼顧三條戰線之下，明顯出現疲態，進攻組織唔掂。更何況當日仲要踢到加時，三日內又要回氣再上戰陣，係咪真係可以交出高水準，力奇有懷疑喎？
韋斯咸扑瓜曼聯阿仙奴
話就話車仔兵源充足，實在係領隊莫連奴信任咪又係得幾個，球員場場搏到盡，結果次次都係贏一粒，其中聯賽贏屈福特同歐聯贏華倫西亞，咪係補時先入波險勝，上仗對布力般仲差輸埋，力奇就唔多信佢鋪鋪都咁好彩！
另邊廂韋斯咸，雖然話護級形勢唔樂觀，距離安全線五分，但依家仲有五輪聯賽，佢當然唔會放棄。力奇都知，佢輸完畀錫菲聯三蛋，轉頭如果可以守得住車仔好似大想頭少少，不過睇番往績，呢班波搶攻就唔叻，但要偷雞就好在行，今季先後兩贏阿仙奴，又搞掂過曼聯一鋪，擺明係巨人殺手，「讓球主勝」真係可以一試
