红魔鬼喺足总杯顺利大炒屈福特强势晋级决赛，返到英超转入争霸最后直路点会松懈，更可况有机会重温三冠王美梦，所以对锡菲联病猫都当成老虎打。虽然话踢波係要逐场计，但係曼联既然喺欧联对罗马都可以大炒对手七个一皮，对住实力差几皮嘅锡菲联，就算打个折头都唔难炒佢两、三粒！曼联之前受到伤兵问题困扰，搞到连续输畀朴茨茅夫同罗马，以为会陷入困境反而逼到佢哋班新人成长，本来成季都唔多见影嘅卡域克突然大勇，加埋因伤唞成大半季嘅阿伦史密夫都翻生，连埋脚风大顺嘅C朗拿度同坐完波监复出嘅史高斯，费爵爷一时之间手上又有大把筹码。三连败嘅锡菲联炒起韦斯咸强势反弹，不过做客又係另一回事，面对曼联三人攻击中场不停穿插同强力侧击，成条防线随时支离破碎。
利物浦可以话係依家最势不可挡嘅英超球队，上场做客摸和曼城只係属于少少嘅调整，喺晏菲路球场又係发威嘅时间，对住阴阳怪气嘅米杜士堡，红军正气好多！米堡依家喺中游位置，由於悠悠闲闲都唔慌会降班，对维拉放软手脚求其踢输得好难睇，呢把神经刀上半季专克强队，但係自从二月初输畀车仔之后愈踢愈沉，单计客场成绩排尾四，只係好过几队降班胆，对喺主场信心爆棚兼脚风大顺嘅利物浦想搏大雾？好难啦！红军只係领先阿仙奴两分，「三哥」位仲未算稳阵，由于下周中会同车路士决战欧联四强，现阶段绝对係利物浦喺联赛抢分，巩固「三哥」位大好时机，呢场绝对冇留力空间。
曼联 -2 锡菲联 推介：曼联
利物浦 -1/1.5 米杜士堡 推介：利物浦
