打比郡目前以七十八分排第三，落後次席伯明翰兩分，今晚只要贏波就可暫時升上第二，對取得下季直接升上英超資格有好大幫助。賽前朱楓翻查過數據，發現打比郡今季打罷四十三場賽事贏過廿三場，當中居然有十九次都係僅勝一粒，呢項數據絕對值得大家參考。
盧頓鮮有大敗
盧頓領隊布歷維爾近排唔知搞乜鬼，成日掛住搬新球場，仲夠膽死話球隊就算降班，但相信未來依然一片光明，連一句鼓勵球員說話都冇，你話死唔死！不過呢班波近排勝在鮮有大敗，近十場輸足九場賽事入面，有七場都係僅輸一粒，既然雙方都有可尋，今晚瓣「讓球和」絕對諗得過
