巴塞上場於魯營球場差馬略卡身上失分，最後要靠一個補時烏龍波保住熱W，證明細哨缺陣影響有幾大！今場佢因為扁桃腺發炎，肯定要繼續做座上客，衰在迪高、伊度奧及美斯狀態均不能稱得上「弗」，所以要望巴塞大炒似乎唔多實際，加上數據擺在眼前，對上三圈主場只曾一次贏超過一球，「讓球主勝」唔值得重錘出擊。
不過，今場巴塞值得秤高一線當然亦有原因，皆因西班牙盃賽事好可能會由球迷寵兒沙維奧拿擔正，上場都係靠佢一記有幸運成分反彈球奠勝。明知巴塞有運，今場犯不逆天而行，就算認為巴塞未必炒得起，都無謂博基達菲爆冷唔輸，呢個時候博「讓球和」就係最佳選擇。
基達菲擺明死守
至於作客基達菲，先至終結聯賽不勝頹勢，加上作客一向任人魚肉，今場要巴塞腳下全身而退機會極微，估計今仗都係死守，博輸少過兩球，再寄望返到地獄主場收復失地。講到尾，巴塞打到入四強，士氣毋須懷疑，主場出擊最起碼要拿下首回合，如果唔係都幾難同擁躉交代，「讓球和」絕對抵博！
