聖美倫剛戰取得○七年第一Ｗ，成功拋離鄧弗姆林四分，對整體士氣當然有莫大幫助。不過，○七年十二場聯賽只曾一勝，好難予人信心，今場仲要讓平半，上盤不賭也罷。上周對福爾柯克一仗，蘇豪已推介入球「細」，由於球隊已連續十場聯賽開「細」，今次可以再追多鋪。
見關過關
兩對聖美倫煎雙蛋
鄧弗姆林近期兩線作戰反而愈踢愈醒神，上周中於蘇足盃打入決賽，穩奪歐洲足協盃席位（因決賽對手些路迪獲歐聯席位），睇番近四場賽事，球隊取得三勝一和，而且保持一球不失，防線演出非常穩健，鬥到最後直路發力，受讓下盤可以考慮，不過既然對手入球能力麻麻，加上今季近兩次交手，賽果一樣係兩無紀錄完場，今仗關乎護級前途，蘇豪認為兩隊踢落會非常保守，投注首選應係入球「細」。
