今季巴甲非常受重視，傳媒都大篇幅報道開鑼盛況，邪童飛一向欣賞森巴足球，所以今日亦轉口味講巴甲，推介高士路主場對哥連泰斯呢場直播波畀大家，隨MSI撤資，哥連泰斯球員今季星散，已經唔係前兩年隊「巴甲車路士」，高士路可發揮「地頭蟲」威力贏波。（now 686周一凌晨3時直播）
跨國財團MSI兩年前注資哥連泰斯，泰維斯、馬斯真蘭奴等球星壓陣下，為該隊勇奪○五年聯賽冠軍，但MSI今年與球會高層傾唔掂數後，今季已開始撤資，雖然佢表面上仍係球會股東之一，但已逐漸為淡出鋪路，上季幾名主將好似阿武羅素、卡路士阿爾拔圖等主將均離隊，而主力射手尼爾馬亦有離心。
雖然哥連泰斯上周主場以一比○險勝青年人，但某程度上只係對手不濟，高士路出名係地頭蟲，近十場贏八場，對住哥連泰斯呢隻冇牙老虎，主勝有1.85倍簡直係筍到暈
