先畀個貼士大家，由於今周係國際賽檔期，加上美洲國家盃及美洲金盃舉行在即，好多力美職聯國腳都已紛紛被國家隊徵召備戰，大家買波前記住留意。
其實今戰雙方都有主力避戰，以主隊侯斯頓戴拿模為例，前鋒杜格利殊因傷肯定缺陣，至於中場主力迪羅沙里奧則已返回加拿大報到，幸好兩名美國國腳程拜仁及列卡度奇勒已獲批准踢埋今場先返國家隊，整體實力未算受太大影響。
太陽波經全日重心
隊長服役群龍無首
不過FC達拉斯就冇咁好彩，隊中三名主力包括前鋒卡路士雷斯、左閘加班迪及安東尼華萊士都已被國家隊徵召，聽朝肯定無法上陣，練摩路對加班迪缺陣非常頭痛，仍未知搵邊個代佢個位，至於冇卡路士雷斯仲大鑊，事關呢名危地馬拉球員係達拉斯隊長兼王牌射手，作用等同車路士杜奧巴，達拉斯陣容咁天殘地缺，受讓平半都玩唔過啦！
