尋日Peter由新加坡返到香港，就係為參與修頓球場舉行懷舊表演賽。上次一班元老級本地猛將，已經將修頓逼到水洩不通，今次再加料炮製，由下晝到夜晚連踢六場比賽，令全場觀眾開心到震，而Peter即場為大家進行旁述亦都過足癮。自二次大戰後，幾乎本地所有星級球星今次聚首一堂，當中好多都係Peter老友，雖然短時間內要香港同新加坡兩地奔波，但可以同舊友舊言歡，再%26#63510;都係值得！
講番今晚賽事，兩場國際賽冇乜好路，而美職亦冇心水，反而巴甲有兩仗值得推介畀讀者。
睇番賽程，都係以主隊較有投注價值，其中以今季反璞歸真彭美拉斯最值得留意。佢今輪對手高士路，作客成績一向麻麻，而主隊開咧後成績唔錯，班波仍然有力再上一層樓，呢次主場出擊好路。
帕拉拿主場惡到震
另一場帕拉拿鬥聖保羅，前者主場惡得緊要，就好似食人魚一樣食人唔吐骨，今次聖保羅肯定遭殃。後者今年被國內對手瘋狂挖角，實力已大不如前，帕拉拿贏波有計
