今晚焦點係歐國盃外圍賽，但仲有幾場熱身賽上演，邪童飛就睇中場瑞士。瑞士作為明年歐國盃主辦國，近年備戰相當積極，今晚主場同阿根廷拍跳，仲會有好多「大粒佬」在場，全國上下都好希望贏番場造勢；反觀阿根廷班國腳經過成個球季洗禮，拖住疲乏身軀作戰，作客讓波梗係捧「讓球主勝」。（泰星U37周日凌晨2時30分直播）
阿根廷今次都算人強馬壯，基斯普、泰維斯、美斯同馬斯真蘭奴都有入選；而瑞士最出名隊長阿歷山大費爾又受傷唔出得，理論上阿根廷牌面贏晒，所以今場亦聚晒飛，市場平均價作客都要讓半球。
不過阿根廷揀班大牌球員入選，邪童飛認為仲危險，因為佢球會已經踢到殘，一早抱收咧心態；而西甲搵食球員，好似美斯、艾馬等又要留力踢球會賽事，今場仲點會同你搏先得。瑞士近年進步神速，主要係前幾年青訓做得好，依家踏入收成期，呢隊波防守一流，話晒自己地頭作賽，點會輸波咁失威先得
