山度士自由盃打到入四強，早幾日首回合就吞甘美奧兩蛋，身為練盧森保高賽後就好不滿，鬧班波踢到遊魂一樣，輸兩球都算少咁話。既然踢自由盃都夠膽踢到成「Pat」咁，返到巴甲，力奇都唔敢有太大期望。
巴美6寶推介
山度士留力自由盃多用後備
孖寶半全膽推介
更值得留意係，山度士其實為爭自由盃冠軍，開季三場巴甲聯賽一直都未有派強陣出擊，多名主力輪流缺陣，佢個智利中場馬當拿度都好同意練盧森保高做法，佢話自由盃已經最重要階段，相反巴甲只係開始，家陣最重要梗係打自由盃咁話，換句話講，緊周四就係自由盃四強次回合賽事舉行之日，你話佢會唔會搏命先？
事實上，山度士今季巴甲三戰只得一勝兩負，整體發揮的確未如理想，就算話主場出擊都畀唔到力奇太大信心，相反，哥連泰斯呢支老牌勁旅開季至今竟然未逢一敗，先後砌低青年人同高士路兩支弱旅，之後再和明尼路，當中最抵讚自然係佢條無敵防線，竟然一球不失，今仗要頂住唔輸，甚至贏埋，都唔算太難
