孖寶半全膽推介（膽客提供）
6寶半全場推介（姬絲甫提供）
芝加哥火燄自從四月尾擊敗侯斯頓戴拿模後，整個五月都未贏過一場比賽，僅錄得一和四負，成績令人慘不忍睹，更嚴重係球隊最近兩場都入唔到波。火燄狀態低沉之餘又欠火力，根本冇能力讓波，加上艾雲古里奴要返洪都拉斯準備出戰美洲金盃，今場必定缺陣。火燄缺點相當多，邊有本錢讓波。
機員六訪芝加哥未衰過
哥倫布機員近況亦唔算太好，但勝在有良好對賽往績支持，近六次作客都未輸過畀芝加哥火燄，當中取得四勝兩和，明顯食住對手。另一點值得一提，今季機員屬其中一支和局比率最高球隊，既然今場有得受讓，「讓球客勝」值得支持。
雖然機員最近一次作客慘吞紐約紅牛四隻光蛋，但大家唔好忘起紅牛係今季奪標熱門，機員大敗無話可說。
今輪對手火燄實力與紅牛差一大截，機員要再以大比數落敗的可能性絕對唔大。唔要求機員能夠客場勝出，與對手打和絕對係能力範圍之內
