英冠升班附加賽次回合，西布朗主場撼狼隊，必定繼續瘋狂進攻，再吼「大」好路。首回合大演入球騷後，狼隊領隊麥卡菲講明唔會畏縮；而西布朗射手菲臘斯近兩仗入五球、球隊近兩仗入十球，班波已完全進入「On Fire」狀態，兩隊癲鳳鬥狂龍，再開「大」冇難度。（now 898周四凌晨2時45分直播）
拿仁首回合已經講過，今仗係英格蘭中部打戰，兩軍都視對手為世仇，到升班附加賽咁對碰，更添大戰味道。連足總盃，本季雙方已四度對戰，西布朗取得三勝一負，三場贏波都攻入三球開「大」而回，以目前西布朗走勢，今仗開「大」仍會繼續。於聯賽收咧戰，西布朗以七球屠殺班士利，幾名前線大將菲臘斯、艾寧頓、謝拉射到順，令班波以最佳狀態挑戰狼隊，首回合不負眾望，作客以三比二反勝對手，其中菲臘斯及卡馬拉包辦全部入波，反映西布朗攻力勒都勒唔住。西布朗領隊莫巴利賽前講明，繼續大踢進攻足球，依家要西布朗去守簡直不切實際，雖然有一球在手，佢今仗會再次空群出擊進攻，而且趁對手正選門將梅利缺陣，更可以取得甜頭。
狼隊主帥講明鬥攻
雖然落後一粒，但狼隊主帥麥卡菲仍充滿信心，佢話今季英冠、英甲四場升班附加賽首回合賽事，都係由客軍勝出，呢次會到狼隊贏波。想出線就要贏，狼隊冇得選擇，麥帥話明會同對手鬥攻，前鋒禮利、奧路芬費拿等正處佳態，要入波唔難。翻查本季前六球隊戰績，以西布朗同狼隊失波最多，今次再開「大」波膽機會極大
