西布朗上場作客反勝狼隊三比二，英冠附加賽首回合取得好開始，今晚次回合回師主場，撞正對手狼隊大鬧門將荒之外，更加有不敗往績支持，可以講係佔盡優勢，主場出擊添食在望！（now898台、無收費電視998台及泰星U1台周四凌晨2:45直播）
西布朗今季打得咁好，全靠菲臘斯同埋卡馬拉呢對前鋒組合，佢今季夾埋入三十六個聯賽入球，係得分泉源。
雖然卡馬拉盛傳會今季之後離隊，但表現一都冇受到影響，仲上場為西布朗射入致勝一球，演出技驚四座。唔少英超球隊都已經吼實呢位塞內加爾射手，相信佢今場肯定會交足表現，博大會睇中。至於佢拍檔菲臘斯，上場亦梅開二度，西布朗有佢兩個拍住上，當然值得捧場。
講到首回合落後狼隊，要造訪火力強勁西布朗，領隊麥卡菲想唔皺眉頭都難，事關正選門將梅利打柴要長抖，上場臨時拉夫上陣軒尼斯亦表現麻麻，被西布朗射入三球之後已經信心大失，今場都咪使旨意佢保持不失，加埋佢近六次作客西布朗僅得二和四負，秤往績輸晒，今鋪真係可以打定輸數。
狼隊門將荒唔怕買大
記得首回合賽前，重炮手大哥就撐西布朗可以射入今季第一百球，但上次狼隊三粒之後，都仲差一球先至到一百大關，所以今場西布朗可能會繼續搶攻，完成呢個目標都唔奇。此外，西布朗近八場六次開大，而狼隊近十場亦九次開入球大，今次兩軍可能會大手交易，補多個「入球大」玩都唔錯
