利物浦目前排聯賽第三，幾乎已穩奪來屆歐聯入場券，而佢殺入歐聯四強後，已將成副心神擺歐聯賽事。紅軍近兩仗聯賽，首先作客和曼城○比○，而上仗主場就贏米杜士堡二比○，雖然四分，但利物浦一眾球員其實非常流攤，成班波留力情況好明顯。呢次大戰當前，紅軍一定會踢得更加小心，五五波分分鐘唔去，面對搶錢咁搶韋根，唔係話贏就贏。
韋根搏命唔講得笑
韋根目前護級形勢不妙，依家排聯賽尾六，離降班區域只有三分，所以今仗態度比利物浦有heart得多。近兩仗韋根發力，分別打和熱刺同阿士東維拉，當中總共攻入四球，今晚作客紅軍唔係冇得打
