下个星期欧联4强战开打，但睇落个比赛时间同对阵，又真係几同情车路士同摩连奴。3支欧联球队，呢个星期利物浦同曼联都系主场出击，而且都係周六或周日凌晨就结束战斗，仲要係对阵韦根同米杜士堡呢种中下游球队，实力消耗肯定细。而车路士反而要响周日晚场，先至作客英格兰北部城市纽卡素，对住硬骨头纽卡素。摩连奴肯定又响个心入边话，摆明搞针对遮，咁样同你博，果边就开晒巷咁同曼联放行，分分钟搞到班兵疲晒，接下来对利物浦欧联生死战，比利物浦磨到出局咁就麻烦了。所以，笔者认为车路士唔排除响呢轮联赛开始，逐渐减少对联赛投入，全副身心放落欧联比赛当中。咁样嘅话，车路士接落来嘅比赛，笔者认为佢哋对面捧场价值会逐渐增大。呢个周日，纽卡素应该就符合呢个条件，受让指数够大，同时实力又有相对嘅保障，仲要喺主场出击。笔者觉得纽卡素本轮比车仔大炒机会好细，最多都係1球小负格局。
要提防车仔提前劈炮，而另一支早就劈炮嘅强队阿仙奴，最近无晒人追佢哋反弹，自然而然就稳稳阵阵咁赢翻两场波。你个星期佢哋作客死对头，北伦敦打比对手热刺。讲翻嚟又几好笑，热刺近10次对住阿仙奴，居然先至得6平4负嘅战绩。难怪现时兵强马壮嘅热刺，主场对阿仙奴居然只係平打嘅指数。平打指数，阿仙奴恐怕又会惹人对住个交锋往绩遐想。逆向思维，笔者呢次捧热刺。
纽卡素 ＋1 车路士 推介：纽卡素
热刺 0 阿仙奴 推介：热刺
利物浦 －1.5 韦根 推介：韦根
