上季一度受降班威脅馬略卡，今季突然大發神威，最近更加主場連贏七場，呢次主場仲要受讓平半，小弟就唔信作客表現唔掂華倫西亞讓得起，撐馬略卡下盤！（有線61及泰星U35台周日凌晨2:00直播）
蝙蝠兵團作客唔掂
馬略卡今季表現的確令人驚喜，近七次主場比賽贏晒，面對華倫西亞前更錄得四連勝，佢家陣可以話係信心十足！尤其艾蘭高同費蘭度華利拿呢兩位球員狀態大勇，中場大將伊巴加沙亦同球隊續約，士氣高昂，千祈咪睇小馬略卡主場威力呀！
華倫雖然叫做爭標分子，但比起巴塞同皇馬落後兩分，加上佢近十次作客只係贏過兩次，呢次好可能失分畀馬略卡而斷送爭標機會。再講，摩連迪斯同大施華復操後狀態不足，今場比賽好可能缺陣，令華倫贏波本錢大減。馬略卡呢鋪主場受讓平半，只要唔輸波就贏盤，博得過！
