今屆歐聯四強形勢平均，今晚曼聯殘陣鬥AC，首回合兩軍唔會對攻搏錘，兩位經驗豐富頭一定會謹慎部署，分分鐘要打到次回合下半場先分勝負，預期今仗兩軍踢起會較為保守，中場爭逐會好激烈。
紅魔多傷兵 主場都冇利
曼聯英超場場都要搏，今季後備兵唔算多，現時受傷兵問題困擾，搞到兵微將寡，聯賽車路士失分，或者有計，但歐聯成績如何，就睇頭點部署。球隊防線勉強堆砌，今場無論體力上或陣容上都輸蝕，即使主場都未必有利。
曼聯強項係反擊，轉守為攻只需幾秒，C朗、朗尼同阿倫史密夫速度快，羅馬上次自暴其短打對攻，結果大敗收場，AC頭安察洛堤係老狐狸，吸收羅馬訓，今次肯定唔會採取主動。由於AC門將迪達有傷，今場或以卡勒把關，對曼聯絕對係好事，AC防線特別要打醒十二分精神，用番自己一貫打法，先做好防守，等待死球機會博入作客入球，預計今仗入球數字唔會去到三球，所以入球細值得一試
