喜伯年先前聯賽對鴨巴甸一仗，特別收起大部分主力球員，都係為畀佢養精蓄銳，務求今晚以最佳狀態蘇格蘭足總盃四強重賽中立場迎戰鄧弗姆林！加上前鋒甸舒爾斯復出即有波入，有力領軍擊敗鄧弗姆林，喜伯年熱W要捧！（開賽時間：周三凌晨2:45）
日前喜伯年蘇超二比二打和鴨巴甸，其實球隊呢場波分別收起後防韋達卡、羅拔鍾斯、中前場史普利及賓祖隆，差唔多有半隊主力無落場，領隊約翰哥連斯用意無非希望佢叉足電今晚搏殺，單係呢點已經可以秤高喜伯年。
鄧弗姆林忙護級戰意弱
可能有人留意到喜伯年近期入波唔係太多，會唔會無力威脅鄧弗姆林呀？其實又唔使太擔心，事關前鋒甸舒爾斯已經對上場復出，而且仲有士哥添！更甚者小將戴蒙格雷亦同一場賽事取得入波，相信今晚喜伯年表現會同以前有所不同。
其實對家鄧弗姆林仍然忙於蘇超護級，仲可唔可以一心二用實在係疑問，加上箭頭湯馬士麥馬勞斯不合資格上陣，中場史提芬加拿斯係喜伯年借將，今晚無緣上陣，實力再打折扣。況且今仗中立場格拉斯哥咸頓公園球場上演，雖然雙方無所謂主場優勢，不過鄧弗姆林蘇超作客只有一勝四和十二負，呢個形同作客環境下會唔會故態復萌，再次暴露唔識作客弱點呢？
