國米同羅馬呢對歡喜冤家，已經連續第三年意大利盃決賽碰頭，結果國米對上兩屆都能順利摘冠之餘，兩次作客羅馬仲取得一勝一和不敗佳績，如果計埋聯賽，羅馬近五次主場對國米僅得三和二負，風水佬可以呃你十年八年，但宿命真係唔到你唔信。
韋拉史坦高域復出
再講，國米早前聯賽主場畀羅馬攪亂個祝捷Party令到上下都一肚火，今晚勢必有冤報冤，有仇報仇！陣容方面，大家亦唔需替國米擔心，縱使伊巴謙莫域因傷肯定倦勤，但仍有阿祖安奴、基斯普、告魯斯及列高巴四大前鋒隨時候命，再加上養傷多時韋拉同停賽期滿史坦高域齊齊復出，咁強大陣容，你話國米邊有得輸？
羅馬「王子」托迪上周末又入世界波，但鋒芒太露定必令國際米蘭一眾守有所防範，睇怕今場想輕鬆腳波都難，再講羅馬後備兵源始終質素麻麻，一個唔覺意先落後亦派唔到咩人出扭轉局面，朱楓覺得國米難得受讓平半的確超筍，下盤唔買就笨啦
