車路士上仗聯賽打和阿仙奴，而曼聯擊敗曼城，聯賽尚餘兩輪但少紅魔鬼七分，已經將聯賽冠軍拱手讓予死敵，宣告冕失敗。兩季前車路士奪取聯賽冠軍後作客曼聯，後者球員列隊歡迎對手，今仗車仔球員為顯風度，亦會有相同舉動。
表面上車仔輸得心服口服，但莫連奴同費格遜分屬死敵，今次失落錦標已成定局，如果仲要畀死敵自己地頭贏波彩，就絕對唔可以接受，故車仔呢場必大踢爭氣波，希望贏波一挫對手銳氣。另外，兩軍就要爭足總盃錦標，如果先勝一仗，下仗大戰於心理上就有優勢，故車路士絕對有爭勝動力。
紅魔豪飲13萬腳仔軟
曼聯球員今場心態已經唔同晒，錦標已經在手，戰意頗成疑問。睇番兩季前場例行公事，雙方都唔係夫添上陣，所以今仗雙方都極有可能收起部分主力，老費亦暗示會畀部分主力休息。車仔有舒夫真高、波歷克、卡維奴、保拿奴斯缺陣；曼聯有傷在身球員包括加利尼維利等都唔會冒險出場。今場雙方已再無壓力，可以放盡對攻，分分鐘大演入球騷，所以除車仔上盤可取外，可以兼顧埋入球「大」，隨時中兩瓣。
樂比收到風，曼聯重奪聯賽冠軍後，一眾紅魔鬼瘋狂捧「杯」慶祝，酒水費用高達八千五百鎊（約十三萬三千港元），咁飲法，仲唔腳仔軟咩
