美國捧完金盃巴巴閉閉，點知美洲國家盃就原形畢露，連輸兩場兼失七球，今次對住同樣有前冇後哥倫比亞，兩隊實力五五波真係難講邊隊贏得出，不如博佢棄守為攻做「大」戲，一於捧1.68倍「入球大」啦！（有線61及64周五早上6:35直播）
兩軍近4交手3次開大
最近好多人都話美國主場受惠於球證先可以贏得金盃，睇死佢美洲盃冇運行，其實大家猜測都唔係冇根據，事關佢美洲盃真係實力見底，連輸兩場唔係好奇，仲要狂失七球就有令大家大跌眼鏡。要捧佢就免，之但係睇番佢連續六場開大，總入球數字去到二十二球，大家考慮玩「入球大」亦非常正路。
對家哥倫比亞，同樣今屆美洲盃失準，令佢兩場比賽失九球，而且哥倫比亞打法不嬲都有前冇後，家陣中場防守核心華加斯停賽，哥倫比亞更加唔使旨意諗防守，專心進攻延續三場「入球大」走勢好過！值得一提係，兩軍近四次交手有三場總入球數三球或以上，有數據支持，「入球大」值得一試。
