華倫西亞最近表現跌Watt，令佢一下子跌到落聯賽第五位，依家就連歐聯參賽資格都危危乎，今次佢主場迎戰近七場作客未贏過維爾瓦，係時候搶分力爭上游！（有線61及泰星U35台周日凌晨4:00直播）
維爾瓦主將狀態未足
華倫西亞近六場西甲只係贏得兩場，連番失分後，表面上佢由爭標變成爭來屆歐聯席位，但係，查實佢依家排第五，與第四位薩拉戈薩同得五十三分，就算係榜首巴塞隆拿，佢都只係相差六分，前景都唔係想像中咁曳，只要今晚可以全取三分，要登上聯賽前列並唔係冇可能。呢個危急關頭，面對近七場作客未贏過維爾瓦，華倫西亞主場一定冇保留。
對家維爾瓦，後防主力比圖雖然近日復操，但佢仍未足以十足狀態上陣，對維爾瓦防線構成一定影響。今場波佢面對擅於進攻兼有人氣射手韋拿助陣華倫西亞，睇怕都係全場捱打，捧主W當然係明智之選啦
