拖連奴已經去到護級區域，今場對AC米蘭一定全力爭三分。拖連奴早前未受到真正壓力，踢落懶懶閒，依家水浸眼眉一定谷番起鬥志。由於積分榜形勢緊湊，和波一分對拖連奴其實幫唔到幾多，預期主場迎敵必搶攻，一對進攻中場羅仙拿以及費奧利都好有質素，要分心歐聯AC米蘭身上入波唔難。
拖連奴AC對攻
AC下周中歐聯要再同曼聯鍊過，事先張揚會出晒副選應付拖連奴。鬼Sir都同球迷睇過唔少AC比賽，發覺球隊意甲同歐聯表現好唔同，意甲好少見佢死纏爛打，兼且現時都算穩坐第四位，今季聯賽目標已達，今場大條道理流攤，不過佢勝在有好弗朗拿度坐鎮，「肥哨」一星期先踢得一場，以佢質素要入拖連奴波唔難，開「大」自然冇難度
