雖然下周中歐聯要作客晏菲路，但車路士呢排撻晒，愈打愈有，今晚主場可撞低保頓，輕易晒三分追趕曼聯。保頓近四次對碰全部輸晒，而今晚仲要有好多傷兵，賓希姆、迪奧夫肯定唔出得，路蘭、戴安尼菲爾、亨特同簡拿高普路斯亦大有可能缺陣，個陣咁殘點頂得住車仔呀？（有線足球台61周六晚７時45分直播）
傷兵滿營往績輸晒
為爭「歐洲四冠王」，車路士季尾疲於奔命，但一班星級戰將愈打愈精神，多密手係咁贏，歐聯鬥利物浦就以壓倒性姿態贏波，贏一粒已經算少。車仔唔同阿仙奴，佢唔係花拳繡腿，所以唔驚硬橋硬馬保頓，故近四次對賽車仔都可以擊敗對手。雖然緊要應付歐聯四強次回合賽事，但車仔氣勢如虹，史丹福橋必取三分。
保頓前中後多員主力今場都唔出得，連主帥艾拿戴斯都話明預輸波，車仔今場贏兩粒冇問題，「讓球勝」手到拿來。
