現今頂級球會同國家隊，要高水準賽事爭奪冠軍，除具備好練、一流球員同穩健防守等基本元素，仲有一個附帶條件，就係需要有一至兩個當打、有活力、能夠過關斬將，同時可以打整體戰球星壓陣，佢能以一己之力改變戰局，周中高水準歐聯賽事，大家再次睇到呢一點。
曼聯以前有傑斯靠個人能力奠勝，依家就有Ｃ朗，朗尼亦有呢種能力，仲有ＡＣ米蘭卡卡，以及車路士祖高爾，呢幾個球員能夠做突破，令對手好難凍結。利物浦隊長謝拉特唔係唔好，但佢比較擅踢整體戰，相比上述幾個球星，佢扭波能力無疑較弱，利物浦踢落有少少失準，結果無法平反敗局。由此可見，去到頂級賽事，擁有好技術、突破力強球員係額外變數，往往能夠協助球隊由輸變和，由和變贏！
錫菲聯伯明翰串Ｑ
講番今晚賽事，Peter今日會介紹兩隊，分別係錫菲聯同伯明翰。錫菲聯如果主場贏埋屈福特，韋斯咸同查爾頓都好難追，其實錫菲聯同屈福特係典型英冠人腳，但由於韋斯咸同查爾頓貨不對辦，表現差強人意，令錫菲聯有機會吊鹽水打多季英超。屈福特肯定降班，戰意上唔及對手，呢場捧主隊穩陣。另外，Peter罕有地推介英冠球隊，伯明翰主場對錫周三，主隊積極爭取升班，今場如果贏波，而爭升班對手又失分，隨時提前重上英超，現時可謂士氣如虹，Peter一於推介呢條跨級別二串一過關
