巴塞今季水準的確唔及上季穩定，歸根究柢係因為朗拿甸奴狀態欠佳及球隊作客經常死火所致，不過呢兩個問題今場並唔存在，首先巴塞今仗主場出擊，佢魯營球場威力一向毋庸置疑，係今季西甲聯賽唯一主場不敗之師，淨係睇呢個戰績，已經令人充滿信心。
細哨回魂巴塞火力更猛
至於講到朗拿甸奴，雖然佢過去一星期要為巴西國家隊披甲，不過兩場都係熱身賽，對體力消耗有限。事實上，「細哨」今次國際熱身賽打破國家隊入球荒，有助佢擺脫世界盃失利陰影，心理上即時舒懷，更有利佢今後發揮，巴塞火力勢必更猛。
另一邊廂，拉科名副其實係一支欺善怕惡球隊，今季聯賽作客對住強隊西維爾、華倫西亞同馬德里體育會皆淨輸兩球或以上，尤其係對住西維爾同華倫，都以○比四慘敗，今次去到魯營球場，再捧幾隻蛋而回並唔出奇
